முகநூல் விருப்பம்

முகப்பு

ராகு கேது பெயர்ச்சி பலன்கள் - 2016-2017

பதிவு நாள் December 20, 2015



 

ராகு கேது பெயர்ச்சி பலன்கள் தொடர்ச்சி....2016-2017


 
தனுசு: (9-ல் ராகு, 3-ல் கேது)

தனுசு ராசி அன்பர்களே, ... ராசிக்கு 9ஆம் இடத்தில் ராகு வருகிறார் கேது ராசிக்கு 3ல் மறைகிறார் ....இந்த ராகு-கேது பெயர்ச்சியை பொருத்தவரை தங்களுக்கு ஒரளவு நன்மைகளை தரக்கூடியதாக அமைந்துள்ளது… வரும் ஜீலை 2016 வரை தட்டுத்தடுமாறி அனைத்தையும் சமாளித்து விடுவீர்கள்… ஜீலை மாதம் வரை தொழிலில் நல்ல லாபம், பொன் பொருள் சேர்க்கை போன்ற நற்பலன்கள் ஏற்படும்…
குருபகவான் தங்கள் ராசிக்கு 10-ஆமித்தில் வரும் போது பல சிக்கல்களை, துன்பங்களை ஏற்படுத்தும்… தந்தை வகையில் செலவு, தந்தைக்கு உடல் நலக்குறைவு, தந்தையுடன் பகை போன்றவை ஏற்படும்… கவலை வேண்டாம்… வரும் துன்பங்களையெல்லாம் 3-ல் உள்ள கேது பகவானால் தைரியமாக அனைத்தையும் சமாளித்துவிடுவீர்கள்… அரசியல், அரசாங்கத்தில் உள்ளவர்களுக்கு சாதாரண நிலையே இருக்கும்…
மாணவர்களுக்கு ஜூலை மாதம் வரை நல்ல நிலையும், அதற்குப்பிறகு (ஏழரையாண்டு சனிக்காலமாக இருப்பதால்) பின்தங்கிய நிலையும் ஏற்படும்…
வெளிநாடு வெளிமாநில நண்பர்களின் தொடர்பு உண்டாகும் பெரிய மனிதர்கள் ஆதரவால் பெரும் சாதனைகள் செய்வீர்கள்..நீண்ட நாள் கனவுகள் நிறைவேறும்,தந்தைக்கு மருத்துவ செலவுகள் உண்டாகும்.. இளைய சகோதரனுக்கு சில மருத்துவ செலவுகள் ,மாமனாருக்கு பாதிப்பு உண்டு.9ல் ராகு அதிர்ஷ்டத்தை உண்டாக்கும் ஏழரை சனி நடந்தாலும் குரு பலன் இருப்பதால் பெரிதாக பாதிக்காது.
குலதெய்வம் கோயில் சென்று வரவும்
 

மகரம்: (8-ல் ராகு, 2-ல் கேது)

மகர ராசி அன்பர்களே, தங்களுக்கு அஷ்டமம் எனும் 8-ஆமிடத்தில் ராகு பகவானும், 2-ஆமிடத்தில் கேது பகவானும் சஞ்சரிப்பது துயரத்தை தரும்… முக்கியமாக விஷ கண்டம், மதுவால் கண்டம், நோய்நொடி தொல்லை, எதிரிகளின் தொல்லை, விபத்து தரும்… தேவையில்லாத பிரச்சனை, வம்பு, வழக்கு போன்றவை 8-ல் உள்ள ராகுவால் ஏற்படும்… 2-ல் உள்ள கேதுவால் குடும்பத்தில் குழப்பம், தனவரவு தடைபடுதல், வீண்செலவு ஏற்படும்… கவலை வேண்டாம்… தங்கள் ராசிநாதனான சனிபகவான் லாபஸ்தானத்தில் இருப்பதால் அனைத்து தடைகளையும் போராடி வெல்வீர்கள்… மேலும் வரும் குருபெயர்ச்சி தங்களுக்கு சாதகமாக இருப்பதால் முதல் ஆறு மாதங்கள் வரை தான் அதிகம் துன்பப்பட நேரிடும்… பின் அனைத்திலும் முன்னேற்றமும் லாபமும் ஏற்படும்…
அரசியல், அரசாங்கத்தில் உள்ளவர்களுக்கு ஜூலை மாதம் வரை சாதாரண சூழ்நிலை இருக்கும்… பின் ஒரளவு முன்னேற்றம் இருக்கும்… மாணவர்களுக்கு படிப்பில் முன்னேற்றம் இருக்கும்… பெண்களுக்கு மாங்கல்ய ஸ்தானத்தில் ராகு இருப்பதால் கணவரின் உயிருக்கு ஆபத்து வராமலிருக்க துர்க்கை அம்மனை தொடர்ந்து வழிபடுவது நல்லது…


 
முக்கியமாக ராகு எட்டாம் இடம் ஆயுள் ஸ்தானத்துக்கு வருகிறார் என பீதி அடைய வேண்டாம்..எட்டு மறைவு ஸ்தானம் என்பதால் திடீர் அதிர்ஷ்டம் உண்டாகும் வாய்ப்புள்ளது.. எட்டில் ராகு அதிக அலைச்சலை தரும்.ராகு திசை நடப்போருக்கு மட்டும் எட்டில் ராகு சோதனைகளை தரும் காளஹஸ்தி சென்று வழிபட்டு வருவது அவசியம்.


 

இரண்டாம் இடத்து கேது, குடும்பத்தில் வீண் வாக்குவாதம் உண்டு பண்ணலாம்.


 
கும்பம்: (7-ல் ராகு, ஜென்ம கேது)

கும்பராசி அன்பர்களே, தங்கள் ராசிக்கு 7-ல் ராகு பகவான் சஞ்சரிப்பதும், ஜென்ம ராசியில் கேது பகவான் சஞ்சரிப்பதும் மிகுந்த துன்பங்களை தரும்… அதுவும் ஜீலை மாதத்திற்குப்பிறகு குருபகவான் அஷ்டமத்தில் இருப்பதால் நரக வேதனையை தரும்… இந்த துயரமான காலத்தை கடக்க ஒரே வழி இறைவனிடம் பொறுப்பை ஒப்படைத்துவிட்டு நிதானமாக இந்த துயரமான காலத்தை எதிர்கொள்வது தான்… ஒருவேளை ஜாதகப்படி தாசபுத்தி நன்றாக இருந்தால் இழப்புகள், துயரங்கள் குறையும்… எதிலும் தோல்வி, நஷ்டம், கணவன்-மனைவி பிரச்சனை, பிரிவு, மனஉளைச்சல், கடன் தொல்லை, எதிரிகளின் தொல்லை, நோய்நொடிகளின் தொல்லை ஏற்படும்… சில நண்பர்கள், பங்குதாரர்கள் துரோகிகளாக மாறுவர்… அரசியல் அரசாங்கத்தில் உள்ளவர்களுக்கு ஜீலை மாதம் வரை ஒரளவு நன்மைகள் கிடைக்கும்.. அதன் பின் மோசமான நிலை ஏற்படும்… சட்டசபை தேர்தலை தவிர உள்ளாட்சி தேர்தலுக்கு தங்கள் கட்சியில் சீட்டு கொடுத்தாலும் பலமுறை யோசித்து நல்ல திறமையான ஜோதிடரிடம் ஜாதக ஆலோசனை பெற்றப்பின் ஒப்புகொள்வது நல்லது… தசாபுத்தி சரியாக அமையவில்லை என்றால் டெப்பாசிட் கூட பெறமுடியாது… பெண்கள் கணவருடன் வீண் விவாதம் செய்யாதீர்கள்… கணவரை பிரிய நேரிடும்… மாணவர்களுக்கு ஜீலை மாதம் வரை பரவாயில்லை… அதற்குப்பிறகு படிப்பில் மந்த நிலை ஏற்படும்… எதிர்பார்க்கும் மதிப்பெண்கள் கிடைக்காமல் போகலாம்…
களத்திர ஸ்தானத்தில் வரும் ராகு வாழ்க்கை துணையை குறிக்கும் கணவன் /அல்லது மனைவி ஸ்தானத்துக்கு ராகு வருவதால் அவர்கள் உடல் ஆரோக்கியம் சற்று பாதிக்கப்படலாம் ஆனால் நண்பர்களால் நிறைய ஆதாயம் உண்டு.திருமனம் ஆகாதவர்களுக்கு திருமனம் கூடி வரும்.கடன் தொல்லைகள் தீரும் வருமானம் அதிகரிக்கும்.சேமிப்பு உயரும்..கேது ஜென்மத்துக்கு வருவதால் வீண் பயம் ,மன சோர்வு காணப்படும் வீண் புலம்பல்கள் பலன் தராது.தாழ்வு மனப்பான்மை அதிகரிக்கும்.உற்சாகமாக இருங்கள் நல்லதே நடக்கும்.

மீனம்: (6-ல் ராகு, 12-ல் கேது)

மீன ராசி அன்பர்களே, வரும் ராகு-கேது பெயர்ச்சி காலமானது தங்களுக்கு பொற்காலத்தை வழங்க உள்ளது… இது வரை நீங்கள் பட்ட துன்பங்கள் யாவும் சூரியனை கண்ட பனிப்போல மறையப்போகிறது… அதுவும் ஜீலை மாதம் முதல் குருபகவானின் நேர் பார்வையை பெருவதால் எதிலும், எங்கும் வெற்றிக்கொடி நாட்டப்போகிறீர்கள்… 6-ல் உள்ள ராகு பகவானால் எதிரிகளையும், எதிர்ப்புகளையும் பந்தாடுவீர்கள்… கோர்ட்டு கேஸ்களில் வெற்றி கிடைக்கும்… சாதனைகள் பல செய்வீர்கள்… நீண்ட கால நோய்நோடி குணமாகும்… கடன் அடைபடும். பொன் பொருள், நிலம், வீடு, வாகன சேர்க்கை ஏற்படும்… கணவன்-மனைவி ஒற்றுமை, குடும்பத்தில் சந்தோஷம், நண்பர்கள், பங்குதாரர்களால் நன்மை, தொழிலில் நல்ல லாபம், திடீர் யோகம், அதிர்ஷ்ட வாய்ப்புகள் ஏற்படும்… சிலருக்கு வெளிநாட்டு யோகம் கிடைக்கும்… 12-ல் உள்ள கேது பகவானால் தீர்த்த யாத்திரை, ஆன்மிக ஞானம், தெய்வ தரிசனம் ஏற்படும்… கோவில் குளங்களுக்கு தானம் செய்வீர்கள்… அரசியல், அரசாங்கத்தில் உள்ளவர்களுக்கு யோகமான நற்பலன்கள் ஏற்படும்… பதவி உயர்வு, மக்களிடம் மிகுந்த செல்வாக்கு ஏற்படும்… உள்ளாட்சி தேர்தலில் போட்டியிட்டால் பலருக்கு வெற்றி வாய்ப்பு கிடைக்கும்… மாணவர்கள் படிப்பில் வெளுத்து வாங்குவீர்கள்… அதுவும் 2017-ல் அரசு தேர்வு எழுதும் மாணவர்கள் மதிப்பெண்களை அள்ளிக் குவிப்பார்கள்..


 
இனி நீங்கள் தொட்டதெல்லாம் துலங்கும் உங்கள் துன்பங்கள் தீரும் பணக்கஷ்டம் இனி மெல்ல மெல்ல தீர்ந்து இயல்புக்கு வரும்.தொழிலில் இருந்த மந்தம் விலகி சுறுசுறுப்பு உண்டாகும்..
ராசிக்கு 6ல் வரும் ராகுவால் வம்பு,வழக்குகள் இனி தீரும்.கடன் முழுதும் அடைபடும்.சொத்துக்கள் ,வாங்கும் யோகமும் வீடு கட்டும் யோகமும் வந்து சேரும் திருமண முயற்சிகள் தடங்கலின்றி நடைபெறும்..எதிரிகள் தொல்லை இனி இருக்காது பகையாகி விலகியவர் மீண்டும் ஒன்று சேர்வர்.
 
 
 
 

நேரம் : 07:58 PM